Friday, 25 October 2013

کام کی بات میں نے کی ہی نہیں

کام کی بات میں نے کی ہی نہیں

کام کی بات میں نے کی ہی نہیں
یہ میرا طورِ زندگی ہی نہیں

اے اُمید، اے اُمیدِ نو میداں
مجھ سے میّت تیری اُٹھی ہی نہیں

میں جو تھا اِس گلی کا مست خرام
اس گلی میں میری چلی ہی نہیں

یہ سنا ہے کہ میرے کوچ کے بعد
اُس کی خوشبو کہیں بسی ہی نہیں

تھی جو اِک فاختہ اُداس اُداس
صبح وہ شاخ سے اُڑی ہی نہیں

مجھ میں اب میرا جی نہیں لگتا
اور ستم یہ کے میرا جی ہی نہیں

وہ رہتی تھی جو دل محلے میں
وہ لڑکی مجھے ملی ہی نہیں

جائیے اور خاک اڑائیں آپ
اب وہ گھر کیا کے وہ گلی ہی نہیں

ہائے وہ شوق جو نہیں تھا کبھی
ہائے وہ زندگی جو تھی ہی نہیں



Monday, 21 October 2013

ٹھاني تھي دل ميں، اب نہ مليں گے کسي سے ہم (مومن خان مومنؔ)


ٹھاني تھي دل ميں، اب نہ مليں گے کسي سے ہم
(مومن خان مومنؔ)

ٹھاني تھي دل ميں، اب نہ مليں گے کسي سے ہم
پر کيا کريں کہ ہو گئے ناچار جي سے ہم

ہم سے نہ بولو تم، اسے کيا کہتے ہيں بھلا؟
انصاف کيجے، پوچھتے ہيں آپ ہي سے ہم

کيا گل کھلے گا ديکھيے ہے فصل ِ گل تو دور
اور سوئے دشت بھاگتے ہيں کچھ ابھي سے ہم

کيا دل کو لے گيا کوئي بيگانہ آشنا
کيوں اپنے جي کو لگتے ہيں کچھ اجنبي سے ہم

Sunday, 20 October 2013

احمد فرازؔ کی شا عری میں سے ایک غزل


ہاتھ اٹھائے ہیں مگر لب پہ دعا کوئی نہیں
کی عبادت بھی تو وہ ، جسکی جزا کوئی نہیں

آ کہ اب تسلیم کر لیں تو نہیں تو میں سہی
کون مانے گا کہ ہم میں بے وفا کوئی نہیں

وقت نے وہ خاک اڑائی ہے کہ دل کے دشت سے
قافلے گزرے ہیں پھر بھی نقشِ پا کوئی نہیں

خود کو یوں‌ محصور کر بیٹھا ہوں اپنی ذات میں
منزلیں چاروں طرف ہیں راستہ کوئی نہیں

کیسے رستوں سے چلے اور یہ کہاں پہنچے فرازؔ
یا ہجومِ دوستاں تھا ساتھ ۔ یا کوئی نہیں

Thursday, 17 October 2013

کسی دشمن نے یہ عزت مجھے اب تک نہیں بخشی






نہ دیکھو مجھ کو لوگوں کے رویوں کے تناظر میں

میں اپنی سوچ اور اپنی الگ پہچان رکھتا ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


کسی دشمن نے یہ عزت مجھے اب تک نہیں بخشی
ہمیشہ دوست ہی کا ہاتھ پہنچا ہے گریباں تک
۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک بچّے کی طرح خود کو بٹھا کر سامنے
خوب خود کو کوستا ہوں خوب سمجھاتا ہوں میں
خشک پتّوں کی طرح ہے قوّتِ گویائی بھی
بات کوئی بھی نہیں اور بولتا جاتا ہوں میں
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 بھولنا تمہیں نہ آسان ہوگا 
جو بھولے تمہیں وہ نادان ہوگا
آپ تو بستے ہیں روح میں ہماری
آپ ہمیں نا بھولیں یہ آپکا احسان ہوگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگر ہو سکے تو کرو خود میں کشش پیدا ،
ہر کسی کو حسرت سے دیکھا نہیں کرتے
ہر شخص نہیں ہوتا ہر شخص کے قابل ،
ہر شخص کو اپنے لیے سوچا نہیں کرتے

چند اشعار



 چند اشعار


 کبھی رو کے مسکرائے ، کبھی مسکرا کے روئے
اسکی یاد جب بھی آئی ، اُسے بھلا کے روئے ،
ایک اسکا ہی نام تھا ، جسے ہزار بار لکھا ،
جتنا لکھ کے خوش ہوئے ، اس سے زیادہ مٹا کے روئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 قصور نہ انکا تھا نا ہمارا 
ہم دونوں ہی رشتوں کی قسم نبھاتے رہے 
وہ دوستی کا احساس جتاتے رہے 
ہم محبت کو دل میں چھپاتے رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 ملا ہے سب کچھ تو فریاد کیا کریں
دل ہے پریشان تو جذبات کیا کریں
آپ کہتے ہو آپ کو یاد نہیں کرتے
بھولے نہیں جسے اسے یاد کیا کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 زندگی جیسے ایک سزا سی ہو گئی ہے 

غم کے ساگر میں اس قدر کھو گئی ہے 


تم آ جاؤ واپس یہ گزارش ہے میری 


مجھے شاید تمھاری عادت سی ہو گئی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔